नागपुरात सिंधी समाजासाठी ऐतिहासिक निर्णय

नागपुरात सिंधी समाजासाठी ऐतिहासिक निर्णय
मुख्यमंत्री देवेंद्र फडणवीस यांच्या हस्ते महापौर श्रीचंद तेजवानी यांचा सत्कार
नागपूर येथे विदर्भ सिंधी विकास परिषदतर्फे आयोजित ‘कब्जा धारक - लीज पट्टा (मालकी हक्क) वितरण व नगरसेवकांचा भव्य सत्कार समारंभ’ उत्साहात पार पडला. कार्यक्रमाला मुख्यमंत्री Devendra Fadnavis यांनी प्रमुख उपस्थिती दर्शवली. यावेळी सिंधी समाजाच्या दीर्घकालीन प्रलंबित मागणीला न्याय देत मालकी हक्काच्या पट्ट्यांच्या वितरण प्रक्रियेला गती देण्याचा निर्णय अधोरेखित करण्यात आला.
कार्यक्रमाला आमदार Kumar Ailani, मध्य प्रदेशातील आमदार Bhagwandas Sabnani तसेच अमरावतीचे महापौर Shrichand Tejwani यांच्यासह अनेक मान्यवर उपस्थित होते. कार्यक्रमादरम्यान मुख्यमंत्री देवेंद्र फडणवीस यांच्या हस्ते महापौर श्रीचंद तेजवानी यांचा विशेष सत्कार करण्यात आला.
मुख्यमंत्री फडणवीस यांनी आपल्या भाषणात सांगितले की, फाळणीनंतर भारतात आलेल्या सिंधी समाजाने अत्यंत कठीण परिस्थितीतून स्वतःचे स्थान निर्माण केले असून व्यापार, उद्योग आणि विविध क्षेत्रांत मोठे योगदान दिले आहे. सिंधी बांधव वास्तव्यास असलेल्या जमिनी अतिक्रमण म्हणून गणल्या जात असल्याने मालकी हक्काच्या पट्ट्यांची मागणी अनेक वर्षांपासून प्रलंबित होती. शासनाने या प्रश्नावर सकारात्मक निर्णय घेत सिंधी समाजाला वर्ग-१ चे शंभर टक्के मालकी हक्काचे पट्टे देण्याचा मार्ग मोकळा केला असल्याचे त्यांनी नमूद केले.
तसेच, उल्हासनगरमधील सिंधी बांधवांसाठी स्वतंत्र नियमितीकरणाचा निर्णयही आगामी काळात घेतला जाणार असल्याची माहिती त्यांनी दिली.
महापौर श्रीचंद तेजवानी यांनी आपल्या मनोगतात हा निर्णय सिंधी समाजासाठी ऐतिहासिक असल्याचे सांगितले. शासनाने घेतलेल्या या निर्णयामुळे हजारो कुटुंबांना स्थैर्य, सुरक्षितता आणि आत्मविश्वास मिळणार असल्याचे त्यांनी नमूद केले. तसेच मुख्यमंत्री देवेंद्र फडणवीस यांनी सिंधी समाजाच्या प्रश्नांना संवेदनशीलतेने हाताळत न्याय दिल्याबद्दल समाजातर्फे कृतज्ञता व्यक्त केली.
कार्यक्रमाच्या शेवटी आयोजक, उपस्थित मान्यवर आणि समाजबांधवांचे आभार मानण्यात आले.