समोसा न आणल्याबद्दल पत्नीने पतीला बेदम मारहाण! व्हिडिओ व्हायरल

काय आहे प्रकरण?

पिलीभीतच्या पुरणपूर कोतवाली पोलिस स्टेशन हद्दीतील भगवंतपूर गावात राहणारा शिवम याला त्याची पत्नी संगीताने समोसा आणून द्यावा अशी मागणी केली. २९ ऑगस्ट रोजी संध्याकाळी पत्नीने त्याला गरम समोसा आणायला सांगितले. मात्र शिवमने पैसे रस्त्यात हरवल्याचे सांगून नकार दिला.

यावरून पती-पत्नीत वाद झाला. संतापलेल्या पत्नीने आपल्या नातेवाईकांना बोलावले. त्यानंतर पत्नी आणि तिच्या काकू, काका, मेहुणे, सासू यांसह अनेकांनी मिळून शिवमला बेदम मारहाण केली.

बेल्टने मारहाण, व्हिडिओ व्हायरल

सुरुवातीला घरात वाद झाला, त्यानंतर गावात पंचायत बसवण्यात आली. पण तिथेही पुन्हा शिवमवर हल्ला झाला. त्याला बेल्टने मारहाण करण्यात आली. व्हिडिओ समोर आल्यानंतर लोकांमध्ये ही घटना चर्चेचा विषय ठरली आहे.

पोलिसांत गुन्हा दाखल

शिवमने पोलिस ठाण्यात तक्रार दाखल केली आहे. पत्नी संगीता, काकू सरला आणि विमला, काका रामावतार, धनीराम यांच्यासह इतरांविरुद्ध गुन्हा दाखल करण्यात आला आहे. पुरणपूर कोतवाली पोलिस सध्या या प्रकरणाचा तपास करत आहेत.

लोकांची प्रतिक्रिया

ही घटना समजताच सोशल मीडियावर लोक वेगवेगळ्या प्रतिक्रिया देत आहेत. कुणी गंमत म्हणून घेतलं तर कुणी अशा छोट्या कारणावरून झालेल्या हिंसाचारावर संताप व्यक्त केला.