चांदूर बाजार पोलिसांची अवैध तांदूळ वाहतुकीवर मोठी कारवाई

चांदूर बाजार पोलिसांची अवैध तांदूळ वाहतुकीवर मोठी कारवाई
४.४३ लाखांचा मुद्देमाल जप्त; एक आरोपी अटकेत

अमरावती : Maharashtra Police अंतर्गत Chandur Bazar Police Station हद्दीत अवैध धंद्यांविरोधात कारवाई करत पोलिसांनी अवैधरित्या तांदूळ वाहतूक करणाऱ्या वाहनावर छापा टाकून ४ लाख ४३ हजार ७०० रुपयांचा मुद्देमाल जप्त केला. या प्रकरणी एका आरोपीला अटक करण्यात आली आहे.

मा. पोलीस अधीक्षक Niketan Kadam यांनी जिल्ह्यातील अवैध धंदे समुळ नष्ट करण्याचे आदेश दिल्यानंतर ही कारवाई करण्यात आली.

पोलिसांना २२ मे रोजी गुप्त माहिती मिळाली होती की, बोलेरो पीकअप वाहन क्रमांक एमएच २७ एक्स ५४७२ मधून अवैधरित्या तांदूळ वाहतूक केली जात आहे. त्यानुसार मा. परीविक्षाधीन सहायक पोलीस अधीक्षक Sagar Bhamare यांच्या मार्गदर्शनाखाली पोउपनि प्रदीप कांबळे व पोलीस कॉन्स्टेबल मंगेश साव यांच्या पथकाने जयस्तंभ चौक येथे नाकाबंदी केली.

दरम्यान, सरदार वल्लभभाई पटेल चौकाकडून येणारे संशयित वाहन थांबवून तपासणी केली असता वाहनात ३७ पोते तांदूळ आढळून आले. चालकाने आपले नाव प्रवीण वामनराव वाट (वय ३५, रा. चांदूर बाजार) असे सांगितले.

तपासणीत संबंधित तांदूळ विनापरवाना वाहतूक करून काळाबाजाराच्या उद्देशाने खरेदी केल्याचे पुरवठा विभागाच्या अहवालातून स्पष्ट झाले. पोलिसांनी ९३ हजार ७०० रुपयांचे तांदूळ व ३ लाख ५० हजार रुपयांचे वाहन असा एकूण ४ लाख ४३ हजार ७०० रुपयांचा मुद्देमाल जप्त केला.

याप्रकरणी आरोपीविरुद्ध अपक्र. २३१/२०२६ अंतर्गत अत्यावश्यक वस्तू अधिनियम १९५५ चे कलम ३ व ७ नुसार गुन्हा दाखल करून अटक करण्यात आली आहे.

ही कारवाई मा. अपर पोलीस अधीक्षक सा. तोडेवाड, मा. उपविभागीय पोलीस अधिकारी Manish Thakre यांच्या मार्गदर्शनाखाली करण्यात आली.