१० मोटारसायकल चोरी प्रकरणांचा पर्दाफाश; ३.६० लाखांचा मुद्देमाल जप्त
१० मोटारसायकल चोरी प्रकरणांचा पर्दाफाश; ३.६० लाखांचा मुद्देमाल जप्त
अमरावती शहर पोलिसांना मोठे यश मिळाले असून सिटी कोतवाली पोलिसांनी मोटारसायकल चोरी करणाऱ्या टोळीचा पर्दाफाश केला आहे. या कारवाईत ३ लाख ६० हजार रुपये किमतीच्या १० मोटारसायकली जप्त करण्यात आल्या असून एकूण ९ गुन्हे उघडकीस आले आहेत.
प्रभात चौक परिसरातून चोरीला गेलेल्या होंडा युनिकॉर्न मोटारसायकलच्या तपासादरम्यान पोलिसांनी राहुल सोळंके, लखन चव्हाण आणि महादेव चव्हाण या तिघांना ताब्यात घेतले. चौकशीत आरोपींनी अमरावतीसह विविध भागांत मोटारसायकल चोरी केल्याची कबुली दिली.
तपासादरम्यान सिटी कोतवाली, राजापेठ, गाडगेनगर, दर्यापूर आणि चंद्रपूर शहर पोलीस ठाण्यांतील गुन्ह्यांची उकल झाली. आरोपींकडून होंडा, हिरो, टीव्हीएस आदी कंपन्यांच्या १० दुचाकी जप्त करण्यात आल्या.
ही कारवाई Amravati City Police च्या मार्गदर्शनाखाली सिटी कोतवाली पोलिसांच्या डीबी पथकाने केली.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
