रोज खा किचनमधील 10 रूपयांचा हा पदार्थ, कधीच येणार नाही हार्ट अटॅक, मेणासारखं घाण कोलेस्ट्रॉल वितळून पडेल बाहेर

आजची धावपळीची आणि बसून राहणारी जीवनशैली, त्यातच तेलकट, तळलेले आणि फास्ट फूडचे वाढते प्रमाण या सगळ्याचा थेट परिणाम आपल्या आरोग्यावर होत आहे. विशेषतः रक्तातील कोलेस्टेरॉल वाढणे ही एक गंभीर पण वाढती समस्या बनली आहे. अनेकांना हाय कोलेस्टेरॉलची माहितीही नसते, आणि ते अचानक हार्ट अटॅक किंवा स्ट्रोकला सामोरे जातात. कोलेस्टेरॉल वाढल्यामुळे रक्तवाहिन्या बंद होतात, त्यामुळे शरीरात रक्ताचा पुरवठा व्यवस्थित होत नाही. ही स्थिती दीर्घकालीन असली तर ती जीवघेणी ठरू शकते.

लोक यासाठी अनेक महागड्या औषधांचा आधार घेतात, पण या औषधांचे साइड इफेक्ट्सदेखील संभवतात. यामुळे शरीराला कोणतीही हानी न करता कोलेस्टेरॉल कमी करणारे नैसर्गिक उपाय शोधणं गरजेचं ठरतं. सुदैवाने, आपल्या स्वयंपाकघरात असलेल्या एका सर्वसामान्य मसाल्यामुळे तुम्ही हे काम सहज करू शकता आणि तो म्हणजे ‘आलं’. चला पाहूया कसं?

कोलेस्टेरॉलसाठी रामबाण उपाय

​आलं हे केवळ स्वादवर्धक नाही, तर आरोग्यवर्धक मसालाही आहे. त्यात अँटी-ऑक्सिडंट, अँटी-इन्फ्लेमेटरी आणि रक्त शुद्ध करणारे घटक असतात. डॉक्टरांच्या मते, आलं शरीरातील साचलेले वाईट कोलेस्टेरॉल (LDL) कमी करतं आणि चांगलं कोलेस्टेरॉल (HDL) वाढवतं. हे केवळ रक्तातील चरबी कमी करत नाही, तर रक्तवाहिन्यांमधून साचलेले चरबीचे थरही बाहेर टाकण्यास मदत करतं. त्यामुळे हार्ट अटॅकचा धोका निघून जातो आणि हृदय अधिक निरोगी राहायला मदत होते.

धमण्यांमधील ब्लॉकेज कमी करण्यासाठी उपयुक्त

शरीरातील धमण्यांमध्ये कोलेस्टेरॉल साचल्यामुळे त्या अरुंद होतात, आणि यामुळे रक्तप्रवाह अडथळित होतो. यामुळेच स्ट्रोक, हार्ट अटॅक यांसारखे आजार घडतात. पण आलं हे नैसर्गिकरित्या रक्तवाहिन्यांची स्वच्छता करतं. त्यातील ‘जिंजेरॉल’ आणि इतर जैवसक्रिय घटक नसा स्वच्छ ठेवतात. नियमित आल्याचा समावेश आहारात केल्यास रक्त वाहिन्यांमधील ब्लॉकेज कमी होऊन हृदयावरचा ताण हलका होतो. परिणामी, हृदयविकाराचा धोका लक्षणीयरीत्या कमी होतो.

पचन सुधारते, अपचन आणि गॅसची तक्रार कमी होते

ज्यांना अपचन, गॅस, पोटात सूज किंवा ब्लोटिंगची तक्रार सतत असते, त्यांच्यासाठीही आलं अत्यंत फायदेशीर आहे. आल्यामध्ये पाचनक्रिया सुरळीत करणारे एन्झाईम्स असतात. हे एन्झाईम्स पचनक्रियेला गती देतात आणि अन्न सहजपणे पचवण्यात मदत करतात. जेव्हा पचन नीट होतं, तेव्हा शरीरात चरबी साचत नाही, आणि त्यामुळे कोलेस्टेरॉल सुद्धा नियंत्रित राहतो. म्हणूनच कोलेस्टेरॉलवर उपाय करताना आल्याचं पचनक्रियेसाठी होणारं योगदान दुर्लक्षित करू नये.

आलं खाण्याची योग्य आणि प्रभावी पद्धत

आल्याचा जास्तीत जास्त आरोग्यदायी फायदा मिळवण्यासाठी त्याचा योग्य प्रकारे वापर करणे गरजेचे आहे. कच्चं आलं खाणं ही सगळ्यात प्रभावी पद्धत आहे. रोजच्या जेवणात अर्धा चमचा किसलेलं कच्चं आलं घालता येतं. जेवणासोबत थोडेसे बारीक तुकडे खाणे हेही उपयुक्त ठरते. शिवाय, आल्याची पावडर, उकड करून घेतलेलं आल्याचं पाणी किंवा सूप यामार्फतही याचा फायदा होतो. मात्र, दिवसातून अर्ध्या चमच्यापेक्षा अधिक कच्चं आलं घेणं टाळावं.

उन्हाळ्यात आल्याचा वापर सुरक्षित आहे की नाही?

उन्हाळ्यात गरम पदार्थ टाळावेत, असं म्हटलं जातं. त्यामुळे काही लोकांना वाटतं की आल्याचा वापर उन्हाळ्यात अपायकारक ठरू शकतो. पण योग्य प्रमाणात घेतलं तर आलं उन्हाळ्यातही फायदेशीरच ठरतं. अर्धा चमचा कच्चं आलं हे सुरक्षित आहे, फक्त त्याचं प्रमाण वाढवू नये. विशेषतः ज्यांना पित्ताची तक्रार, अ‍ॅसिडिटी किंवा काही विशिष्ट आजार असतील, त्यांनी आल्याचा वापर डॉक्टरांच्या सल्ल्याने करावा. यामुळे शरीराला त्रास होणार नाही आणि आरोग्यही सुधारेल.

टिप : हा लेख केवळ सामान्य माहितीच्या उद्देशाने आहे. हा वैद्यकीय सल्ला, निदान किंवा उपचारांचा पर्याय नाही. अधिक तपशीलांसाठी नेहमी आपल्या डॉक्टरांचा सल्ला घ्या. लेखातील माहितीची अचूकता, विश्वासार्हता किंवा परिणामकारकतेची जबाबदारी MT घेत नाही.