डोळ्यांना रोज न चुकता लावा हा पिवळा पदार्थ, डॉक्टर मनिषा मिश्रांचा सल्ला, घारीइतकी तीक्ष्ण होईल नजर, चश्माही जाईल

सध्याच्या डिजिटल युगात डोळ्यांना कायम विश्रांतीची गरज भासते. टीव्ही, मोबाईल, लॅपटॉप, यांसारख्या स्क्रीनकडे सतत बघितल्यामुळे डोळ्यांवर पडणारा ताण वेगाने वाढतो आहे. लहानांपासून वयस्करांपर्यंत सगळेच डोळ्यांच्या थकव्याने, डोळे कोरडे होणे, डोळे जळजळणे अशा समस्यांनी त्रस्त आहेत. चष्म्याचा नंबर लहान वयातच लागणं, झोपेअभावी डोळ्यांखाली काळी वर्तुळं दिसणं यासारख्या गोष्टींना आपण आता सामान्य समजू लागलोय.

पण यावरही आयुर्वेदात एक सोपा आणि प्रभावी उपाय आहे, तो म्हणजे तूप! हो, तूप फक्त खाण्यासाठीच नाही तर डोळ्यांसाठीही अमृतसमान ठरू शकतं. आयुर्वेद डॉक्टरांच्या मते डोळ्यांवर तूप लावणं आणि काही विशिष्ट उपाय करणं हे दृष्टीसाठी फार लाभदायक ठरू शकतं.

डोळ्यांवर तूप लावण्याचा उपाय

तूप म्हणजे डोळ्यांसाठी एक आयुर्वेदीक टॉनिक. रात्री झोपण्यापूर्वी डोळ्यांच्या कडा म्हणजेच पलिकडच्या बाजूस काजळ लावत तसंच थोडंसे शुद्ध तूप बोटावर घेऊन हलक्या हाताने लावा. या उपायाने डोळ्यांतील उष्णता कमी होते, थकवा उतरतो आणि झोपही चांगली लागते. तूप लावल्याने डोळ्यांची मसल्स रिलॅक्स होतात आणि दृष्टीसंबंधी अनेक त्रास कमी होतात. विशेषतः दिवसभर स्क्रिनकडे पाहिल्यावर हे उपाय डोळ्यांना दिलासा देतात.

डोळ्यांच्या स्नायूंना दिलासा देणारा स्पर्श

टीव्ही, लॅपटॉप किंवा मोबाईल स्क्रीनवर काम करत असताना दर काही वेळाने ब्रेक घेणं गरजेचं आहे. त्या वेळी तळहात एकमेकांवर घासून गरम करून ते सौम्यपणे डोळ्यांवर ठेवा. यामुळे डोळ्यांच्या स्नायूची ताठरता कमी होते आणि डोळ्यांना उबदार विश्रांती मिळते. या पद्धतीने 'पामिंग' केल्यास डोळ्यांचे ताण हलके होतात आणि ताजेपणा जाणवतो. हे दिवसातून २–३ वेळा करणे फायदेशीर ठरते.

सकाळच्या कोवळ्या सूर्यप्रकाशाकडे काही क्षण बघा

सकाळच्या वेळेस सूर्याच्या कोवळ्या प्रकाशाकडे काही सेकंद बघणं हे डोळ्यांसाठी अत्यंत हितकारक मानलं जातं. डॉक्टरांच्या मते, यामुळे व्हिज्युअल मोटर कोऑर्डिनेशन सुधारते आणि डोळ्यांतील पेशींना सक्रीय होण्यास मदत होते. मात्र दुपारी किंवा प्रखर उन्हात बघणं टाळा. हा उपाय सकाळच्या शांतवेळेत आणि उष्णतेचा त्रास नसताना करा.

पापण्यांची उघडझाप – ड्राय आयजपासून संरक्षण

डोळे कोरडे होणे, सतत खाज येणे हे ड्राय आय सिंड्रोमचे लक्षण असू शकते. यावर एक सोपा आणि नैसर्गिक उपाय म्हणजे – काही वेळ पापण्यांची हलकी उघडझाप करत राहणं. हे विशेषतः स्क्रीनकडे बघताना विसरले जाते. त्यामुळे अशा वेळेस मुद्दाम डोळे उघडझाप करण्याची सवय लावा. यामुळे डोळ्यांना नैसर्गिक ओलावा मिळतो आणि स्नायूंचा ताण कमी होतो.

चंद्रप्रकाशाकडे पाहणं

आयुर्वेदात आणि योगशास्त्रात चंद्राकडे रात्री काही वेळ पाहणं ही एक उपचारपद्धती मानली गेली आहे. हे केल्याने डोळ्यांची उष्णता कमी होते आणि फोटोफोबिया म्हणजेच उजेड सहन न होणं ही समस्या दूर होते. चंद्रप्रकाश शांत, सौम्य आणि थंड असतो. त्यामुळे रात्रभराच्या झोपेसाठी डोळ्यांना आधीच विश्रांती मिळते आणि झोपही गाढ लागते. नियमितपणे हा उपाय केल्यास डोळ्यांचं आरोग्य जपलं जातं.

टिप : हा लेख केवळ सामान्य माहितीच्या उद्देशाने आहे. हा वैद्यकीय सल्ला, निदान किंवा उपचारांचा पर्याय नाही. अधिक तपशीलांसाठी नेहमी आपल्या डॉक्टरांचा सल्ला घ्या. लेखातील माहितीची अचूकता, विश्वासार्हता किंवा परिणामकारकतेची जबाबदारी MT घेत नाही.