मनोज जरांगे : मराठा आंदोलनाला आणखी एक मोठे यश! सरकारचा खटले मागे घेण्याचा निर्णय

एका महिन्यात प्रक्रिया पूर्ण

• आंदोलकांवरील खटले या महिन्याच्या अखेरीस मागे घेतले जाणार आहेत.

• प्रत्येक जिल्हाधिकारी दर सोमवारी प्रकरणांचा आढावा घेऊन समितीसमोर प्रस्ताव सादर करतील.

• किरकोळ कारणांमुळे गुन्हे दाखल झालेल्या आंदोलकांना मोठा दिलासा मिळणार आहे.

मृत आंदोलकांच्या कुटुंबियांना मदत

सरकारने आंदोलनादरम्यान मृत्युमुखी पडलेल्या मराठा बांधवांच्या कुटुंबियांना मदतीचा हात दिला आहे.

• मृत आंदोलकांच्या वारसांना आर्थिक मदत दिली जाणार आहे.

• त्यांना सरकारी सेवेत समाविष्ट करण्याची प्रक्रिया सुरू करण्यात आली आहे.

• मदतीची रक्कम आधीच जिल्हाधिकाऱ्यांकडे वर्ग करण्यात आल्याची माहिती मंत्री विखे पाटील यांनी दिली.

सातारा गॅझेट अंमलबजावणीला गती

मराठा आरक्षणासाठी महत्त्वाचे मानले जाणारे सातारा गॅझेट लवकरच लागू होणार आहे.

• मोडी लिपीतील नोंदी वाचण्यासाठी तज्ज्ञ अभ्यासकांची मदत घेण्याचे आदेश समितीने दिले आहेत.

• सातारा राजपत्राच्या आधारे सविस्तर अहवाल तयार करण्याचे निर्देशही देण्यात आले आहेत.

• त्यामुळे गॅझेट अंमलबजावणीच्या हालचालींना वेग आला आहे.

आंदोलनाला शंभर हत्तींचे बळ

हैदराबाद गॅझेट आणि सातारा गॅझेट या दोन्ही निर्णयांनंतर मराठा समाजाच्या आंदोलनाला मोठा आधार मिळाला आहे. आता खटले मागे घेण्याच्या घोषणेमुळे आंदोलनकर्त्यांमध्ये सुटकेचा नि:श्वास पसरला आहे.