टॅरिफ वॉरमध्ये भारताचा मोठा डाव! ट्रम्प टॅरिफवर ओरडत राहिले, सिंगापूरसोबत भारताने केले ५ ऐतिहासिक करार

भारत-सिंगापूर भागीदारी – नवे पर्व सुरू!

मोदी म्हणाले,
"सिंगापूर हा आमच्या अ‍ॅक्ट ईस्ट पॉलिसीचा आधारस्तंभ आहे. ही केवळ आर्थिक भागीदारी नाही, तर विश्वास आणि सामायिक मूल्यांवर आधारित खोल मैत्री आहे."

तर वोंग यांनीही अधोरेखित केले की, "आजच्या अनिश्चिततेच्या काळात भारत-सिंगापूर सहकार्य पूर्वीपेक्षा अधिक महत्त्वाचे आहे."

या भागीदारीत सिंगापूरने भारतातील जवाहरलाल नेहरू पोर्ट ट्रस्टमध्ये $1 अब्जाहून अधिक गुंतवणूक केली असून, दुसऱ्या टप्प्याचे उद्घाटनही दोन्ही नेत्यांनी केले.

५ मोठे करार – भविष्याचा रोडमॅप

1️⃣ डिजिटल अॅसेट इनोव्हेशन – आरबीआय आणि सिंगापूर नाणेनिधी प्राधिकरण एकत्र येऊन सीमापार पेमेंट आणि डिजिटल चॅनेल मजबूत करतील.

2️⃣ एव्हिएशन प्रशिक्षण व संशोधन – एएआय आणि सिंगापूर सिव्हिल एव्हिएशन अथॉरिटी विमान वाहतूक क्षेत्रात क्षमता वाढवतील.

3️⃣ ग्रीन अँड डिजिटल शिपिंग कॉरिडॉर – शून्य-उत्सर्जन इंधन, स्मार्ट पोर्ट तंत्रज्ञानासाठी संयुक्त फ्रेमवर्क तयार होणार.

4️⃣ मॅन्युफॅक्चरिंग स्किल्स सेंटर – चेन्नईमध्ये राष्ट्रीय कौशल्य केंद्र स्थापन होणार.

5️⃣ अवकाश सहयोग – अवकाश क्षेत्रात सहकार्य वाढेल. आतापर्यंत भारताने सिंगापूरसाठी २० उपग्रह प्रक्षेपित केले आहेत.

भारतासाठी सिंगापूर का महत्त्वाचा?

• सिंगापूर हा भारताचा सर्वात मोठा एफडीआय गुंतवणूकदार आहे.

• गेल्या ७ वर्षांत सुमारे १७० अब्ज डॉलरची गुंतवणूक झाली आहे.

• २००४-०५ मध्ये दोन्ही देशांचा व्यापार फक्त ६.७ अब्ज डॉलर होता, जो आता ३५ अब्ज डॉलरवर पोहोचण्याच्या मार्गावर आहे.

• सिंगापूर हा भारत आणि आसियान देशांमध्ये पुलाची भूमिका बजावतो.

भारत आणि सिंगापूर लवकरच CECA (व्यापक आर्थिक सहकार्य करार) आणि AITIGA (आसियान-भारत वस्तू व्यापार करार) चा आढावा घेणार आहेत.