मोठी बातमी! मुंबईत एका ट्रेनमध्ये मोठा बॉम्बस्फोट होणार, स्वातंत्र्य दिनापूर्वी एका धमकीच्या कॉलने खळबळ उडवून दिली

मुंबई बॉम्बस्फोटाची धमकी: देशभरात ७९ व्या स्वातंत्र्य दिनाची तयारी जोरात सुरू आहे. देशभरात सजावट केली जात आहे. मुंबई शहरही आता सजवले गेले आहे. रेल्वे स्थानके रोषणाईने सजवली गेली आहेत. मुंबईकर स्वातंत्र्य दिन उत्साहात साजरा करण्यासाठी सज्ज झाले आहेत. दरम्यान, मुंबई पोलिसांना ट्रेन बॉम्बने उडवून देण्याची धमकी देणारा फोन आला आहे. ही धमकी दिल्यानंतर एका अज्ञात व्यक्तीने कॉल डिस्कनेक्ट केल्याचे समोर आले आहे. या एका कॉलमुळे मुंबई पोलिस आता हाय अलर्ट मोडवर गेले आहेत. पोलिस सर्वत्र योग्य ती काळजी घेत आहेत.

नेमकी कोणती माहिती समोर आली?

मिळालेल्या माहितीनुसार, स्वातंत्र्य दिनाच्या पूर्वसंध्येला मुंबई पोलिस नियंत्रण कक्षाला धमकीचा फोन आला होता. १५ ऑगस्टच्या आदल्या रात्री हा कॉल आल्याने सर्व यंत्रणांना सतर्क करण्यात आले आहे. सूत्रांनी दिलेल्या माहितीनुसार, कॉल करणाऱ्याने पोलिस नियंत्रण कक्षाला फोन करून सांगितले की ट्रेनमध्ये मोठा बॉम्बस्फोट होणार आहे आणि त्याने लगेचच कॉल डिस्कनेक्ट केला.

संध्याकाळी ६:३० वाजता हा कॉल आला.

अधिक माहिती मिळविण्यासाठी पोलिसांनी पुन्हा त्याच नंबरवर कॉल केला तेव्हा फोन नंबर बंद होता, असा दावा सूत्रांनी केला. मुंबई पोलिस नियंत्रण कक्षाला आज संध्याकाळी ६.३० वाजता कॉल आल्याचे एका अधिकाऱ्याने सांगितले. या कॉलनंतर रेल्वे पोलिसांनाही ही माहिती देण्यात आली. परंतु आतापर्यंत कोणतीही संशयास्पद वस्तू सापडलेली नाही.
पाकिस्तानात स्वातंत्र्यदिनी अंदाधुंद गोळीबार, आता भारतालाही धोका
भारतात १५ ऑगस्ट रोजी आणि पाकिस्तानात १४ ऑगस्ट रोजी स्वातंत्र्यदिन साजरा केला जातो. तथापि, पाकिस्तानात १४ ऑगस्ट रोजी कराचीमध्ये एका अज्ञात व्यक्तीने अंदाधुंद गोळीबार केला. या गोळीबारात एकूण तीन जणांचा मृत्यू झाला. मृतांमध्ये आठ वर्षांच्या मुलीचाही समावेश आहे. या गोळीबारात एकूण ६४ जण जखमी झाले आहेत. कराचीमध्ये अनेक ठिकाणी गोळीबाराच्या घटना घडल्याचे उघड झाले आहे. या घटनेनंतर आता मुंबईत बॉम्बस्फोट होईल अशा धमकीच्या फोनला महत्त्व आले आहे.